ක්‍රීඩා තොරතුරු

අන්තර් සමාජ රගර් තරඟාවලියේ තවත් තරඟයකදී ගුවන් හමුදා පිල 55-0 ලෙස පරාජය කල CR පිල පහසු ජයක් ලැබීය. ප්‍රථම භාගය නිමා වන විට 26-0 ලෙස CR පිල ඉදිරියෙන් සිටියේය. ගෝල දිනුම් 5ක් සහ උත්සහක දිනුම් 4 ක් මගින් එම ලකුණු වාර්තා වූ අතර CR ෆ්ලයි හාල්ෆ් ක්‍රීඩක අෂාන් ඩි කොස්තා විශිෂ්ඨ ලෙස ක්‍රීඩා කලේය.

මෙවර අන්තර් සමාජ රගර් පිටියෙ පෙරළිකාර කණ්ඩායම වන නාවික හමුදා පිල පසුගිය සති අන්තයේ දී ප්‍රබල මහනුවර පිල පැරදවීමට සමත් විය. මෙහිදී ලකුණු තත්වය 12 -11 ලෙස සටහන් විය. මහනුවර පිල වෙනුවෙන් අනුර උදන්ගමුව උත්සාහක දිනුමක් වාර්තා කල අතර සාලිය කුමාර දඩුවම් පහර දෙකක් එල්ල කලේය. ජයග්‍රාහී නාවික හමුදා පිල දඩුවම් පහර 4 ක් මගින් ලකුණු රැස් කල අතර නුව් හෙට්ටිආරච්චි සහ දේව් ආනන්ද පහර 2 බැගින් සාර්ථක කර ගත්හ. ප්‍රථම භාගය නිම වන විට නාවික හමුදා පිල 6-5 ලෙස ඉදිරියෙන් සිටියේය. නාවික හමුදා පිල මෙහෙයවනු ලබන්නේ යෝෂිත රාජපක්ෂ විසිනි.

මෙවර අන්තර් පාසල් ලීග් තරඟාවලියේ ලකුණු සටහන ඉහත දැක්වේ. උපුටා ගැනීම Daily Mirror පුවත් පතේ අනුග්‍රහයෙනි.

මෙවර අන්තර් පාසල් රගර් තරඟාවලියේ ශූරතාවය දිනා ගැනීමට කොළඹ රාජකීය විදුහල සමත් විය. මෙම තරඟවාරය තුල තමන් මුහුණ දුන් තරඟ 9 ම ජයග්‍රහණය කල රාජකීය පිල මෙමෙ තරඟ වාරයේ එකම අපරාජිත කණ්ඩායම ලෙස තමන්ගේ වාර්තාව රැක ගැනීමට සමත් විය. මෙවර රාජකීය කණ්ඩායම මෙහෙයවූයේ නරේන් දාසන් විසිනි. ලීග් තරඟාවලියේ අවසන් තරඟයේදී රාජකීය පිල විසින් සාන්ත ජෝසප් පිල 49-7 ලෙස පරාජය කරන ලදී. රාජකීය පිල අවසන් වරට ලීග් ශූරතාවය දිනා ගත්තේ 2003 වසරේ දී ශ්‍රී ලංකා සෙන්ටර් ක්‍රීඩක රජිත් ජයසුන්දර ගේ නායකත්වය යටතේය.

මෙවර අන්තර් පාසල් රගර් තරඟාවලියේ ශූරතාවය පිළිබඳව සිය බලාපොරොත්තු ඉහල නංවා ගත් රාජකීය ක්‍රීඩකයෝ පසුගිය සති අන්තයේ දී ඉසිපතන පිල පරාජය කිරීමට සමත් විය. මේ අනුව දැනට තරඟාවලියේ පැවති තරඟ සියල්ලම ජය ගැනීමට එම පිල සමත්ව සිටී. මෙම තරඟය 22 - 3 ලෙස ජය ගැනීමට රාජකීය පිල සමත් විය. තරඟයේ මුල් විනාඩි කිහිපය තුල දේවින්ද ප්‍රසාද් ගේ දඩුවම් පහරක් මගින් 3-0 ලෙස ඉසිපතන පිල ලකුණූ රැස් කල අතර ප්‍රථම භාගය නිම වන විට 5-3 ලෙස රාජකීය පිල පෙරමුණ ගැනීමට සමත් විය.

මෙවර අන්තර් පාසල් රගර් තරඟාවලියේ ශූරතාවය පිළිබඳව මහනුවර කිංස්වුඩ් පිල තබා තිබූ බලාපොරොත්තු සුන් කල රාජකීය ක්‍රීඩකයෝ 43-17 ලෙස ජදෙපිල අතර පැවති තරඟය ජය ගැනීමට සමත් විය. කොළඹ රාජකීය පිටියේ දී පැවති මෙම තරඟය අපේක්ෂා කල පරිද්දේන්ම තියුණු මුහුණුවරක් ගත් අතර මුලින්ම ලකුණු රැස් කිරීමට කිංස්වුඩ් පිල සමත් විය. ඉන් අනතුරුව ක්‍රියාත්මක වූ රාජකීයන් ලකුණු තත්වය සම කිරීමට සමත් වූහ. ප්‍රථම භාගය නිමා වන විට 17 - 14 ලෙස රාජකීයන් ඉදිරියෙන් සිටි අතර ඉන් අනතුරුව වේගවත් ක්‍රීඩා විලාසයක නිරත වෙමින් ලකුණු රැස් කලහ. ගෝල දිනුම් 5 ක් උත්සාහක දිනුමක් සහ එක දඩුවම් පහරක් මගින් රාජකීය ලකුණු රැස් වූ අතර කිංස්වුඩ් පිල ගෝල 2 ක් සහ එක දඩුවම් පහරක් මගින් ලකුණු රැස් කලහ.

අන්තර් පාසල් රගර් වසන්තයේ අග භාගයට එළඹෙමින් පවතින මේ සමයේ ලීග් කිරුළ සඳහා සටන තවත් උණුසුම් වී ඇත. මේ වන විට ලීග් කිරුළ සඳහා රාජකීය, කිංස්වුඩ් , සාන්ත තෝමස් යන කණ්ඩායම් අතර සටන ඇතිවී තිබේ. දැනට රාජකීය පිල අපරාජිතව පසුවන අතර කිංස්වුඩ්සහ සාන්ත තෝමස් කණ්ඩායම් දෙකම එක තරඟය බැගින් පරාජය ලබා සිටියි. මේ අනුව රාජකීය - කිංස්වුඩ් තරඟය ලීග් කිරුල දිනා ගන්නා කණ්ඩායම තීරණය කරන තරඟය වීමට බොහෝ ඉඩ ඇති බව රග්බි ලෝලීන් ගේ මතයයි.

මෙවර අන්තර් සමාජ රග්බි පිටියේ හය වන සති අන්තය වන විට අපරාජිතව සිටීමට ප්‍රබල මහනුවර සහ CR යන කණ්ඩායම් සමත්ව සිටී. මෙහිදී පස් වන සතිය නිමා වන විට ප්‍රසාද ලකුණු සටහනේ පෙරමුණ ගැනීමට CR පිල සමත් විය. මෙම දෙපිල අතර තරඟය ලබන සති අන්තයේ එනම් 28 වන දා කොළඹ ලොන්ග්ඩන් පෙදෙසේ දී පැවැත්වෙනු ඇත. මෙම තරඟය ඉතා තියුණු මුහුණුවරක් ගනු ඇතැයි අපේක්ෂා කෙරේ. මීට අමතරව මෙම සති අන්තයේ දී මහනුවර පිල හැව්ලොක් පිල සමග තරඟ වදිනු ඇත. තරඟාවලිය මුල දී ආබාධයන් නිසා ක්‍රීඩකයන් ගේ අඩු පාඩුවක් පැවතියද මේ වන විට මහනුවර පිල සුපුරුදු රිද්මයට පැමිණ සිටියි.

අන්තර් සමාජ රගර් තරඟාවලියේ පැවති තවත් තරඟයකදී CH පිල පරාජය කල CR පිල ජය ලැබීය. මේ තරඟය මෙඩ්ලන්ඩ් පෙදෙසේදී පැවැත්වින. මෙමෙ තරඟය 17-10 ලෙස CR පිල ජය ගත් නමුදු වර්ෂාවෙන් තෙත බරිතව තිබූ ක්‍රීඩාගනය නිසා සුපුරුදු වේගවත් තරඟ විලාශය දෙපිලෙන්ම දැක ගැනීමට නොහැකි විය. CR පිල දඩුවම් පහර 2 ක් , ඩ්‍රොප් ගෝල 2 ක් සහ එක උත්සාහක දිනුමකින් ලකුණු රැස් කල අතර CH පිල එක ගෝලයක් සහ දඩුවම් පහරක් මගින් ලකුණු රැස් කලහ. මෙහිදී CR පිලේ ෆ්ලයි හාෆ් ක්‍රීඩක දේව් ආනන්ද අති විශිෂ්ඨ ක්‍රිඩා විලාසයක් පෙන්නුම් කලේය.

මෙවර අන්තර් සමාජ රගර් පිටියට ඉමහත් බල්පොරොත්තු තබා පිවිසි CH සහ FC පිල මේ වන විට ප්‍රබල ලෙස පසු බෑමට ලක්ව සිටියි. මේ වන විට ඔවුන් මුහුණ දුන් තරඟ 6 කින් ජය ගැනීමට සමත්ව ඇත්තේ තරඟ 2 ක් පමණි. මේ වන විට ඔවුන් නාවික හමුදා පිල ඉදිරියේ 18 -12 ලෙස ද , යුධ හමුදාව ඉදිරියේ 21 -12 ලෙස ද , මහනුවර පිල හමුවේ 37 - 3 ලෙස හා CR පිල වෙතින් 17 -10 පරාජයක් ලැබීය. දෙවන වටයේ දී ඔවුන් කෙසේ දස්කම් දක්වාවි ද යන්න ක්‍රීඩා ලෝලීන් ගේ අවධානයට පත්ව ඇත.

අති විශිෂ්ඨ ක්‍රීඩා විලාශයක නිරත වූ කොළඹ රාජකීය පිල මෙවර ත්‍රිත්ව විදුහල පරදවමින් බ්‍රැඩ්බි පලිහ දිනා ගැනීමට සමත් විය. මහනුවරදී 22-12 ලෙඅද , කොළඹ දී 31-15 ලෙසද වාර්තා කරමින් ජය ග්‍රහණය තමන් සතු කර ගැනීමට රාජකීය පිල සමත් විය. මෙමෙ අනුව සමස්ත ලකුණු 51 - 27 ක පහසු ජයක් රාජකීය පිලට හිමි විය. මෙහි දී රාජකීය පිලේ ඉදිරිපෙල ක්‍රීඩකයන්ගේ දස්කම් ඉතා කැපී පෙනිනි. රාජකීය පිල නරේන් දාසන් විසින් මෙහෙයවන ලදී.

ගිය සති අන්තයේ පැවති මහනුවර සහ නාවික හමුදාව අතර රගබි පාපන්දු තරඟයේ දී අනතුරුදායක අන්දමින් ක්‍රීඩා කල නාවික හමුදා පිලේ අංක අට ක්‍රීඩක සුමේධ මාලේවන හට සති දෙකක තරඟ තහනමක් පැනවීමට ශ්‍රී ලංකා රගබි පාපන්දු සම්මේලනයේ විනය කමිටුව තීරණය කර ඇත. මේ අනුව යුධ හමුදා සහ CH කණ්ඩායම් අතර තරඟ ඔහුට මග හැරෙනු ඇත. මීට අමතරව මෙම තරඟයේ සිදු වූ විනය විරෝධි සිදුවීම් පිළිබදව වීඩීයෝ පටයක් මහනුවර පිල විසින් අදාල විනය කමිටුවට ඉදිරිපත් කර ඇත. මේ සම්බන්ධව පරීක්ෂණ ඉදිරියේ දී පැවැත්වෙන බව නිවේදනය කර තිබේ.  

පසුගිය සති අන්තයේ පැවති තවත් අන්තර් සමාජ රගබි තරඟයකදී ගුවන් හමුදා පිල පැරදවූ CR සහ FC පිල ලකුණු 26 - 0 ක ජයක් ලැබීය. අෂේන් කරතේලිස්, චාමර විතානගේ , අෂා න් ඩි කොස්තා සහ හෙන්රි ටෙරන්ස් උත්සාහක දිනුම් වාර්තා කලහ.

මෙවර අන්තර් සමාජ රගර් තරඟාවලියේ ආරම්භක තරඟයේදී පොලිස් පිල පරදවමින් ලකුණු 39-15 ක ජයක් ලැබීමට CH සහ FC පිල සමත් විය. මෙට්ලන්ඩ් පෙදෙසේ දී පැවැත්වුණු මෙමෙ තරඟයේ දී ඉතා ප්‍රබල ලෙස තරඟ වැදුණු CH පිල පහසුවෙන් පොලිස් පිල පරාජය කලේය. එම පිලේ ලකුණු 39 ට ගෝල දිනුම් 2 ක් සහ උත්සහක දිනුම් 5 ක් ඇතුලත් වූ අතර පොලිස් පිල ගෝල දිනුම් 1ක් , උත්සහක දිනුමක් සහ ඩ්‍රොප් ගෝලයකින් සිය ලකුණු රැස් කරන ලදී. සත්‍ය රණතුංග, රුෂික ප්‍රනාන්දූ , දිනේෂ් සංජීව , ලකල පෙරේරා, සජිත් බණ්ඩාර , මොහොමඩ් ඉසඩීන් CH පිල වෙනුවෙන් උත්සාහක දිනුම් වාර්තා කල අතර සජිත් බණ්ඩාර ප්‍රවර්තන 2ක් සාර්ථක කර ගැනීමට සමත් විය. විවේක කාලය වන විට 10-3 ලෙස CH පිල ඉදිරයෙන් සිටියේය.

මෙරට අන්තර් සමාජ රග්බි ඉතිහාසයට කලු පැල්ලමක් පසුගිය ඉරිදා ක් කරමින් මහනුවර සහ නාවික හමුදා තරඟය නිමා විය. මෙමෙ තරඟය නියමිත වේලාවට වඩා මිනිත්තු 12 කට පෙර නිමා කිරීමට තරඟය විනිශ්චය කල අරුණ ජයසේකර මහතා හට සිදු විය. වසර තුනකට පසු රග්බි පිටියට පිවිසි නාවික හමුදා පිල මුහුණ දුන් මුල්ම තරඟය වූ මෙය මහනුවර නිත්තෙවෙල ක්‍රීඩාංගනයේදී පැවැත්විණි. එහිදී හටගත් ගැටුම් කාරී තත්වය පාලනය කිරීමට නොහැකි වු හෙයින් තරඟය අතරමග නතර කරන විට මහනුවර පිල ලකුණු 36 - 5 ලෙස පෙරමුණ ගෙන සිටියේය. මෙමෙ තරඟයේ දී මහනුවර ක්‍රීඩක සංජීව ජයසිංහට පැති රේඛාව අසලදී නාවික හමුදා ආධාර කරවන් පහර දීමත් සමගම ඇතිවූ ගැටුම නිසා ෆසිල් මරිජා ඇතුලු ක්‍රීඩකයන් බරපතල තුවාල ලැබූහ. මෙරට රග්බි ඉතිහාසයේ කිසි දිනක ඇති නොවූ ආකාරයේ සිදුවීමක් වන මෙය පැහැදිලිවම අපේ රට තුල ක්‍රීඩාවේ විනය පිරිහීමට හොද උදාහරණකි.

ගල්කිස්ස සාන්ත තෝමස් පිටියේදී අද පැවති තවත් අනතර් පාසල් ලීග් රගර් තරඟයකදී මහනුවර ත්‍රිත්ව පිල පැරදවූ ගල්කිස්ස සාන්ත තෝමස් ක්‍රීඩකයෝ 26-17 ක විශිෂ්ඨ ජයක් ලැබීමට සමත් වූහ.

මෙවර අන්තර් පාසල් රගර් පිටියේ සිය අපරාජිත භාවය තව දුරටත් රැකගත් කොළඹ රාජකීය ක්‍රීඩකයෝ අද සාන්ත පීතර පිල පැරදවීමට සමත් විය. බම්බලපිටියේ දී පැවැත්වුණුමෙම තරඟය 30-10 ලෙස ජය ගැනීමට රාජකීයන් සමත් වූහ. රාජකීය පිල වෙනුවෙන් නරේන් දාසන් , හම්සා හසන් සහ නිකිර සේනානායක ඇතුලු ක්‍රීඩකයෝ උත්සාහක දිනුම් වාර්තා කලහ.

පසුගිය සති අන්තයේ පැවති තවත් පාසල් රගබි තරඟ දෙකක දී සාන්ත අන්තෝනි පිල 49-10 ලෙස පැරදවීමට සමත් වූ අතර කිංස්වුඩ් පිල සාන්ත ජෝසප් පිල ද පරාජය කිරීමට සමත් විය. සාන්ත ජෝසප් සහ කිංස්වුඩ් තරඟය වඩා උණුසුම් මුහුණුවරක් ගනු ඇතැයි අපේක්ෂා කලද ප්‍රබල කිංස්වුඩ් පිල ඉතා පහසුවෙන් සාන්ත ජෝසප් පිල පරාජයට පත් කලේය. මෙම තරඟය කොළඹ රාජකීය පිටියේදී පැවැත්විණි.

මැයි 15 සාන්ත ජෝසප් - සාන්ත අන්තෝනි ,CR සහ FC පිටියේදී මැයි 16 කිංස්වුඩ් - ධර්මරාජ , බෝගම්බරදී මහානාම - ඉසිපතන , CR සහ FC පිටියේදී සාන්ත තෝමස් - ත්‍රිත්ව , ගල්කිස්සේ දී සාන්ත පීතර - රාජකීය , බම්බලපිටියේ දී උපුටා ගැනීම (http://thepapare.com)

මෙවර සති අන්තයේ පැවති තවත් උණුසුම් අන්තර් පාසල් රග්බි තරඟයකදී ඉසිපතන පිල ඉදිරියේ සානත් පීතර පිල පරාජයට පත් විය. බම්බලපිටිය සාන්ත පීතර විදුහල් පිටියේදී පැවති මෙම තරඟයේදී ලකුණු 22-12 ලෙස ඉසිපතන විදුහල ජය ලැබීය. පසුගිය සතියේ සාන්ත තෝමස් පිල ඉදිරියේ පරාජය ලැබූ ඉසිපතන පිල සිය සුපුරුදු දස්කම් දැක්වීමට මෙම තරඟයේ දී සමත් විය. ප්‍රථම භාගය අවසන් වන විට 12-5 ලෙස ඉදිරියෙන් සිටියේ ඉසිපතන පිලයි.

මෙවර අන්තර් ක්‍රීඩා සමාජ පිටියේ සිදුවන පෙරලි අතර නවතම වෙනස් කම සිදු කරමින් මහනැවර ක්‍රීඩා සමාජය නියෝජනය කල ඉතා ප්‍රබල ක්‍රීඩකයකු වන සජිත් මල්ලිකාරච්චි CH පිල හා එකතු වන බව දැන ගන්නට තිබේ. මහනුවර කණ්ඩායමේ නායකත්වය පවා දැරූ සජිත් ශ්‍රී ලංක් ජාතික කණ්ඩායමටද නැතිවම බැරි ක්‍රීඩකයකු විය. මේ අනුව ඔහු මෙවර තරඟවාරයේ දී සෙන්ටර් ස්ථානයේ ක්‍රීඩා කරනු ඇත.

මෙවර පාසල් රග්බි වාරයේ තමන් මුහුණ දුන් ප්‍රථම තරඟයේ දී රාජකීයන් වෙතින් ලැබූ පරාජයේ අමිහිරි මතකයන් ඉවත් කර දැමූ ගල්කිස්ස සාන්ත තෝමසුවෝ පසුගිය සති අන්තයේ දී ඉසිපතන පිල පැරදවීමට සමත් විය. තරඟයේ මුල් භාගයේ දී 12-3 ලෙස ඉසිපතන පිල පෙරමුණ ගත්තද අවසානයේ 28-12 ජයක් ලැබීමට සාන්ත තෝමසුවෝ සමත් වූහ. මෙම තරඟය හැව්ලොක් පිටියේදී පැවැත්විණි.

වසර 54 ක දෙවිදුහල් අතර රග්බි ඉතිහාසයේ පෙරළියක් සිදු කල මරදාන සාන්ත ජෝසප් පිල පසුගිය සති අන්තයේදී 27-24 ලෙස මහනුවර ත්‍රිත්ව පිල පරදවමින් ඉතිහාසයට එක් විය. මහනුවර පල්ලෙකැලේ ත්‍රිත්ව විද්‍යාල පිටියේදී ම එම පිල පැරදවූ සාන්ත ජෝසප් පිල මෙම තරඟවාරයට නව ජීවයක් එක් කිරීමට සමත් විය. මීට අමතරව නිත්තෙවෙලදී 39-6 ලෙස සාන්ත අන්තෝනි පිල පැරදවීමට කොළඹ රාජකීය පිල සමත් විය. මෙවර තරඟවාරයේ සිය මුල්ම තරඟයට මුහුණ දුන් සාන්ත පීතර පිල වෙතින් ධර්මරාජ පිල 61 -0 ලෙසද කිංස්වුඩ් හමුවේ 81- 10 ලෙස මහානාම පිල ද පරාජය විය.

මයිකල් ගුණරත්න ශූරතාවය උදෙසා පැවති වාර්ෂික රග්බි තරඟයෙන් ගල්කිස්ස සාන්ත තෝමස් පිල පරදවා 37-33 ජයක් ලැබීමට කොළඹ රාජකීය විදුහල සමත් විය. ගල්කිස්ස සාන්ත තෝමස් පිටියේ පැවති මෙම තරඟයේ දී ලත් ජයග්‍රහණය සමග නොකඩවා වසර හතරක් ශූරතාවය රැක ගැනීමට රාජකීයන් හට හැකි විය. රාජකීය පිල නරේන් දාසන් විසින් මෙහෙයවන ලදී.

මෙවර අන්තර් සමාජ රගර් තරඟාවලියට වසර ගණනක නිහැඬියාව බිඳිමින් ඉදිරිපතා වන නාවික හමුදා පිල තවත් ශක්තිමත් වී ඇත. මුලින්ම සී ආර් පිල හා එකතු වූ එරන්ද වීරක්කොඩි නාවික හමුදා පිලට එකතු වී ඇත. ඊට අමතරව රවි ජයසූරිය (CR) , සුමේධ මාලේවන (CH), සමන්ත ලක්ෂාන් (හැව්ලොක්) යන ක්‍රීඩකයන් ඇතුලු අන්තර් සමාජ පිටිය වර්ණවත් කල ක්‍රීඩකයන් රැසක් නාවික හමුදා පිල නියෝජනය කරනු ඇත.

2008-2009 පාසල් රග්බි වසන්තය මේ මස 24 වන දින ආරම්භ වනු ඇත. එදින කොළඹ රාජකීය සහ ගල්කිස්ස සාන්ත තෝමස් පිල තරඟ වදිනු ඇත. මෙම තරඟය මයිකල් ගුණරත්න ශූරතාවය උදෙසා පැවැත්වෙන්නේ ගල්කිස්ස සාන්ත තෝමස් පිටියේ දීය. ඊට අමතරම මහනුවර බෝගම්බර පිටියේදී කිංස්වුඩ් - මහානාම තරඟය පැවැත්වේ.

මෙවර අන්තර් සමාජ පිටියේ තවත් පෙරළියක් සිදු වී ඇත. එනම් වසරක තරඟ තහනමකට පසු යලිත් රග්බි පිටියට එක්වන මහනුවර පිල නියෝජනය කල චාමර විතානගේ CR පිල හා එක් වීමයි. කලක් ශ්‍රී ලංකා සත් සාමාජික කණ්ඩායමේ නායකත්වය දැරූ චාමර , කිංස්වුඩ් - ත්‍රිත්ව පාසල් තරඟයක් නරඹමින් සිටියදී විනිසුරුවරයාට පහර දීමේ චෝදනාවට ලක්වීම නිසා රග්බි ක්‍රීඩාවේ වසරක තහනමකට ලක් විය.

2009 වසරේ අන්තර් සමාජ රගර් තරඟාවලියේ ක්‍රීඩකයන් රැසක් නව ක්‍රීඩා සමාජ වෙනුවෙන් ක්‍රිඩා කරනු ඇතැයි දැන ගන්නට තිබේ. මේ අතරින් නවතම වෙනස්කම මහනුවර කණ්ඩායම නියෝජනය කල එරන්ද වීක්කොඩි කොළඹ CR පිලට එකතු වීමයි. මහනුවර කිංස්වුඩ් විදුහල නියෝජනය කල දක්ෂ ක්‍රීඩකයකු වන එරන්ද 2005 වසරේ එම පිලේ නායකත්වය දැරීය. ඉන් අනතුරුව මහනුවර පිල නියෝජනය කල ඔහු මෙවර CR පිල හා එකතු වීම පෙරලිකාර සිදුවීමකි. CR පිල වෙනුවෙන් විශිෂ්ඨ දස්කම් දැක්වූ මොහොමඩ් ෂෙරීෆ් මෙවර මහනුවර පිල වෙනුවෙන් තරඟ වදිනු ඇත. මෙවර CR පිල වෙනුවෙන් ගිය වසරේ පාසල් ක්‍රීඩා පිටියේ දස්කම් පෑ ඉසිපතන නායක දිනේෂ් චතුරංග, සාන්ත පීතර පිලේ ඉෂාන් නූර්, ඉසිපතන පිලේ ශ්‍රීනාත් සූරියබණ්ඩාර , මොහොමඩ් රිස්වාන් (කිංස්වුඩ්) සහ දිලංක ගුණතිලක (ධර්මරාජ) තරඟ වදිනු ඇත. මීට අමතරව CH & FC පිල වෙනුවෙන් බිලාල් හසන් (රාජකීය) , ෂානක පීටර්ස් (සාන්ත ජෝසප්), ධනුෂ්ක පුෂ්පකුමාර (මගනුවර) සහ අවන්ත හෙට්ටිආරච්චි (මහනුවර) යන ක්‍රීඩකයන් එකතු වනු ඇත. ඊට අමතරව කලකට පසු මෙවර තරඟවාරයට එකතු වන නාවික හමුදා පිල වෙනුවෙන් රවි ජයසූරිය (CR) , සුමේධ මාලේවන (CH) , රන්සිත් පීරිස් (ආනන්ද) සහ යෝෂිත