ගිය සති අන්තයේ පැවති මහනුවර සහ නාවික හමුදාව අතර රගබි පාපන්දු තරඟයේ දී අනතුරුදායක අන්දමින් ක්රීඩා කල නාවික හමුදා පිලේ අංක අට ක්රීඩක සුමේධ මාලේවන හට සති දෙකක තරඟ තහනමක් පැනවීමට ශ්රී ලංකා රගබි පාපන්දු සම්මේලනයේ විනය කමිටුව තීරණය කර ඇත. මේ අනුව යුධ හමුදා සහ CH කණ්ඩායම් අතර තරඟ ඔහුට මග හැරෙනු ඇත. මීට අමතරව මෙම තරඟයේ සිදු වූ විනය විරෝධි සිදුවීම් පිළිබදව වීඩීයෝ පටයක් මහනුවර පිල විසින් අදාල විනය කමිටුවට ඉදිරිපත් කර ඇත. මේ සම්බන්ධව පරීක්ෂණ ඉදිරියේ දී පැවැත්වෙන බව නිවේදනය කර තිබේ.
මෙවර අන්තර් සමාජ රගර් තරඟාවලියට වසර ගණනක නිහැඬියාව බිඳිමින් ඉදිරිපතා වන නාවික හමුදා පිල තවත් ශක්තිමත් වී ඇත. මුලින්ම සී ආර් පිල හා එකතු වූ එරන්ද වීරක්කොඩි නාවික හමුදා පිලට එකතු වී ඇත. ඊට අමතරව රවි ජයසූරිය (CR) , සුමේධ මාලේවන (CH), සමන්ත ලක්ෂාන් (හැව්ලොක්) යන ක්රීඩකයන් ඇතුලු අන්තර් සමාජ පිටිය වර්ණවත් කල ක්රීඩකයන් රැසක් නාවික හමුදා පිල නියෝජනය කරනු ඇත.
Comments
Post a Comment